الرئيسيةحصلت في احد المنتديات رواية وايد عجبتني
تتكلم عن واقع صرنا نعيشه كثير الي هو البويات
بنزل بدايتها ان عجبتكم كملتهاا
2 مشترك
روآية غراميات مجنونة ...عن البويآت
Faisal- عدد المساهمات : 20
نقاط : 7
تاريخ التسجيل : 24/07/2010
حصلت في احد المنتديات رواية وايد عجبتني
تتكلم عن واقع صرنا نعيشه كثير الي هو البويات
بنزل بدايتها ان عجبتكم كملتهاا
Faisal- عدد المساهمات : 20
نقاط : 7
تاريخ التسجيل : 24/07/2010
الفصل الاول ( البدايه)
هناء : بنت عمرها 18 سنه واول سنه جامعه ولقبها هنو .. شعرها كاريه اسود قصير و نحيفه وطويله وبيضا وجمالها طبيعي بالمره ملامحها ناعمه وجميله وابتسامتها ساحره وفيه شبه كبير
من الفنانه السوريه سلافه فواخري بس ملامحها اصغر بحكم سنها ..
نور: عمرها 18 سنه واول سنه جامعه ولقبها نور عيني ,,<< دايما تسميها هناء بهالاسم وهم صديقات من الابتدائي .. سمرا مثل سمار الهنود وشعرها غجري طويل واقصر من هناء بشوي ..
تنتظر لها نص سـاعـه ... جايه الجامعه من بدري وملت من الانتـظار .. واقفه عند الباب الرئيسي تنتظر وتنتظر .. تشوف البنات اشـكـال والـوان مارين من قدامـها ..
وشوي الا وتجي صديقتها عرفتها من مشيتها العربجيـه واول مادخلت فسخت طرحتها وعبايتـها ومشت بعربجتها المعتاده لتجـاه صديقتها ..
نور وهي متفاجئه من شكـلها وقالت ممازحـه : هشوووم .؟!
هناء وهي تسلم عليها : خيررر وراه ؟
نور: هههههه كأنك اخوك هشوم وشفيه شعرك كذا
هنا: ااااه يانور .. تخيلي امس صبغت شعري مسويه نيولوك وطااااح شعري كله بس صبغ اللون وبالاخير صار جزء قصير وجزء طويل وجاء اخوي هشوم وقص لي اياه كله ع اقصر طول .. وبالاخير صار كذا بوي وسوا لي ايـاه سبايكي كذا وش رايك
نور: هههههه مره شي كانك هشوم .. انا من يوم ورايح بناديك هشوم موهنو
هنا: اقول لايكثر ..
نور: هههههه تعالي معي اوريك الكولج ... فريت فيها لمى قلت بس ..
هنا: بس بالاول خلينا نروح للحمام (الله يكرمكم ) بعدل شعري
__ ويمشـون وفيه بنت تقزهم من بعيد وتطالعهم بنص عين ..
البنت: روعه شفتي اللي انا شفته
روعه: مين البويه اللي مرت
البنت: يس .. وش رايك فيهاا
روعه: اول مره اشوفها شكلها مستجده
البنت: والله ماهمتني لو مستجده او لا المهم شكلها اوكي صح
روعه: وش ناويه عليه
البنت بأبتسـامه خبيثه : تعالي معي .. ( ويتمشون )
(( كانوا بالحمام .. وطبعا الحمام مزدحم بنات اللي تعدل شعرها واللي تضبط مكياجـها واللي تسوي شعرها سراميك واللي تعدل شعر صديقتها واللي واللي واللي ..
هالمشاهد تتكرر يوميا بالحمـامـات .. ))
هناء وواقفه وتضبط شعرها بالسبراي : كذا اوكي
نور: اي خلاص حلو كذا .. خلاص غرقته سبراي ياهشوم
هنا: لحوووووول
نور وتحب ترفع ضغطها : ههههههههههه يلا خلينا نطلع زحمه
هنا: يلا ( وتطلع بمشيتها العربجيه ويتمشون بالساحه الداخليه وكل البنات يطالعونهم مابين نظرات اعجاب ونظرات اشمئزاز .. شعرها كان بني فاتح وسبايكي وواقف بالمره والكل يطالع
فيها بأستغراب محد قبل تجرأ وسوى سبايكي مثـلـهـا .. وتنورتها ضيقه وحاطه حزام ابيض ع ذهبي وبلوزتها بيضا ساده نص كم وواسعه )
هنا وهي تمشي: يؤيؤ نور شوفي شلون يطالعون احس فيه شي غلط
نور: لاعادي بس لانو شكلك مميز ومشيتك بعد
هنا وانحرجت: اوووف شكلي لازم يتعودون عليه ومشيتي المشكله مااقدر اغيرها ..
نور وزعلت لانها تكلمت ع مشيتها تعرف هنا كانت تتحس من مشيتها لانها صارت تمشي كذا من بعد الحادث اللي تعرضت له بالثانوي ومشيتها سببت لها احراج كبير بالثانويه بس قالت
نور: هييي يابوالشباب مشيتك مميزه عربجيه فقط لااكثر امش وخلك واثق
هنا بنظره غرور: وهذا اللي بسويه (( وهم ماشين صدمت هنا ببنت والبنت هي اللي معتمده تصدم))
البنت: ووجع انتبه
هنا: حصل خير ماشفتك زين
البنت: انتبه مره ثانيه
هنا: هييي لايكثر قلنا ماانتبهنا
البنت: بس لازم تنتبه مره ثانيه
نور وتتدخل قبل لاتعلى اصواتهم : لوسمحتي خلاص ماانتبهنا وش تبيننا نسوي يعني ماله داعي لكل هالعصبيه
البنت: زين حصل خير
هنا وطالعتها بنص عين : يلا نور لانضيع وقتنا _ ومشوا _
البنت: واوووو ياروعه شكلها شي
روعه: الحين تبين تتعرفين عليها بهالطريقه
البنت: هااه لابس كنت ابي اعرف شنو جوه .. شكله شي ..
روعه: طيب وش رايك نروح نفطر البنات ينتظروننا
البنت: نونو خلينا ناخذ فرتين بعد نفطر طيب
روعه: اوكي
(( وبجـهه هـنا ونــور .. ملوا من الدواره وطبعا عيون البنات عليهم وبالاخص ع هنـاء
نور: يوووه شفتي ذيك البنت تبي تتمشكل
هنا: اي والله المشـكله هي اللي قاطه وجهها وصادمه فيني ولامسويه لي فيها شي .. وتبي تتمشكل
نور: اوووف اول يوم بالكولج ونتمشكـل الله يستر
هنا: شوفي لازم نبين لهم اننا موخايفين منهم .. لازم نفرض شخصيتنا من البدايه
نور: معك حق .. مانبي مأساه الثانويه تتكرر ومانبي نظل loser ماصدقنا على الله نتخرج ونفتك من مضايقات الثانويه
هنا: اي لازم من البدايه نفرض شخصيتنا ونبي نعيش هنا احلا 4 سنين
نور: امييييين .. (وتبي ترفع ضغطها : اقوول هشوم وش رايك نروح نفطر
هنا: لحووووول زهقتيني هشوم وهشوم انا هنوو هااه
نور: ههههههه طيب ياهشوم اقصد هنو .. يلا نروح نفطر ..
(( وبــالكـافتيــرا .. كانت شوي زحــمـه واول مادخلوا يسمعون البنات
بنت: هذا هشوم
الثانيه: اي متأكده هذا هو ..
البنت: بروح اكلمه
هنا ونور يسمعون ولاكأنهم يسمعون ووقفوا عند احد المطاعم طلبوا وينتظرون الطلب ..
وتجي بنت : هلا والله (وتسلم عليهم
البنت: انتو مستجدات
نور: اي
البنت: انا اشواق وسنه ثانيه وانتو
نور: انا نور وسنه اولى انجلش وهذي صديقتي هنا
اشواق: تشرفنا
هنا: احنا اكثر ..
اشواق: هنا ممكن اسألك سؤال شخصي شوي
هنا وهي مستغربه: سألــي ..
اشواق: انتي بـويا ؟
هنا ومافهمتها بس صرفتها وقالت: احتفظ بالجواب لنفسي
اشواق وانحرجت: سوري اذا ازعجتك .. و
هنا: لالا .. عادي
اشواق: اممم وشرايكم بالكليه
هنا: زينه ماعليها
اشواق: عموما اذا احتجتوا اي شي انا حاضره
هنا: ماتقصرين
اشواق: عن اذنكم
نور : اذنك معك (( وتروح وتلفت نور ع هنا
نور: وشتقصد بسؤالها
هنا: وانا وشدراني ؟
نور: اجل وراه تحتفظين بالجواب لنفسك
هنا وتضحك من قلبها : هههههههههههههه بصراحه توهقت وماعرفت اجاوبها ومومعقوله اقولها وش تقصدين فكرت بسرعه وبما انها قالت سؤال شخصي سويت نفسي عليها وقلت لها بحتفظ بالجواب لنفسـي
نور: ههههههه وربي انك خطير هشووم
هنا: لحوووول ازعجتينا هشوم وهشوم
نور: مارح اناديك هنو الا لمى يطول شعرك الحين اشوف هشوم قدامي موهنو
هنا: ههههه اكيد اشبه له موتؤامي (( وياخذون طلبهم ويجلسون ع احدى طاولات الكافتيرا ))
(( وبأحــد الطاولات الاخرى كانت اشواق جالسه مع صديقاتها .. ))
روعه: بس هذا اللي قلتي لها
اشواق: اي هذا اللي صار وشرايكم ..
روعه: طيب ليه ماناديتيه يقعد معنا ( البويات ينادونهم ع انهم اولاد )
اشواق: احرجني خفت يفشلني ومايرضى بس غريبه لمى عرفني على نفسه ماقال لي اسمه هشوم قال هنا .. جنا انتي
متأكده انو لقبه هشام
جنا وهي نفس البنت اللي صدمت فيه ونفسها اللي قزته من بعيد: انا متأكده وسمعت صديقتها لمى قالت له هشوم ..
زينه(وحده من الشله ) : طيب وش رح تسوون معه الحين؟
روعه: بنات الحقوا شله فاطمه الخايسه راحوا يكلمونه
جنا وعصبت (تكره هالشله كره شديد خصوصا بعد مافرقوا بينها وبين فهد خويتها القديمه وراحت فهد لشلتهم ) : اوووف وشتبي ذي شافتنا كلمناه وحطوا عينهم عليه
زينه: فطوم طول عمرها تغار من شلتنا ومنك خصوصا ياجنا .. ولو تموت مارح تصير وهي شلتها احسن منا والا اشهر منا
جنا: اي صح اصلا هالشله يغارون مني ويبون يقهروني بأي طريقه خصوصا بعد ماخذوا مني البويا فهد
اشواق: يعني الحين انتي حاطه عينك ع هشوم
جنا: وش رايكم فيه ؟
روعه: شوفي هشوم حلو وحلو حيييل وستايله خطيرر لكن ملابسه ماتعجبني ابدا
زينه: اي ملابسه كأنها من بورخيص والا انتو وش رايكم
اشواق: اي والله صحيح انه احلا من فهد .. لكن ملابسه مو شي يعني فهد كشخه وستايل لكن شكله مو مره شي .. يعني لو تخاوين هشوم يبي لك تغيرين ستايله
زينه: اي بس شوفي شلون وملابسه من بورخيص لكن البنات ميتن عليه وعلى شعره وعلى شكله .. حتى مشيته ذابو عليها .. يعني لو تخاوينه بعد فهد بتكونين تقدمتي للامام ومارجعتي لورى
جنا: يعني اخاويه ؟
زينه: على طول وبدون تفكير قبل لايروح عليك
روعه: خلونا من هالكلام المأخوذ خيره الحين ترى هشوم بيروح علينا
جنا: لاولله انا حطيت عيني عليه وحطيته براسي ولا اخذه وانا اذا حطيت شي براسي لازم اخذه ..
زينه: طيب ياحلوه روحي لهشوم قبل لا يروح عليك
جنا: اممم روحي انتي احسن انا صار بيني وبينه تاتش روحي انتي ورعه وجيبوه لهنا
زينه: طيب و ترى مالك داعي تتهاوشين معه الصبح
(( وتقوم وتروح لعند هنا ونور وزينه ماشاء الله عليها لبقه بالكلام قالت لهم نبي نتعرف عليكم وكذا وقاموا وراحوا معهم لطاولتهم ))
( وع الطاوله .. )
زينه: اعرفكم ع نور وهناء او هشوم .. وهذي جنا واشواق تفضلوا اجلسوا (ويجـلسـون )
جنا: هشوم صار بيننا تاتش الصبح صح ..
هشوم: اي
جنا: سوري كنت مره معصبه وحالتي حاله ..
هشوم: لايكثر بس ..
الشله : هههههههه
هنا بخاطرها( شللي يضحك ) : ....
اشواق: وشنو تحب نناديك هنو والا هشوم
هنا: اللي يريحكم
روعه: هشوم احسن
زينه: عاد اليوم ماشفتوا شي كل قروبنا غايبين اول يوم مااحد يدوام ... لكن بكره رح تتعرفون ع الباقي ..
نور: انتو اي سنه
زينه: اغلبنا انجلش .. وفيه من الاقسام الثانيه .. وانتوو
هنا: احنا بعد انجلش
جنا: حلو حلو .. اي مساعده والا شي نحن هنا هااه
هنا: احلا شي ..
جنا: وشرايكم بشلتنا
نور: فلللله
جنا: وانت ياهشوم وش رايك؟
هنا: مثل ماقالت نور عيني
روعه\ نور عينك ؟؟
هنا: نور عيني وحياتي بعد
نور وانحرجت: هشووووم
هنا : لايكثر
الكل : ههههههههه
اشواق وتستفسر: انتو تقربون لبعض والا بس صديقات
هنا: احنا ربع من الابتدائي ومثل الخوات واكثر
جنا وتطمنت: حلووو وان شاء الله احنا بعد بنكون مثل صديقاتكم واكثر
هنا: بصراحه انا مره ارتحت لكم واحس ان شلتكم شي وجوكم على جونا
زينه: يوووه للحين ماشفتوا شي
(( ويكملون ضحك وسوالف وبالاخير تبادلوا الارقام وشله فاطمه مقهورين منهم وعدى اليوم الاول ع خيـر ))
مشـ خجولهـ ـآعر~- عدد المساهمات : 19
نقاط : 1
تاريخ التسجيل : 07/07/2010
- مساهمة رقم 3
رد: روآية غراميات مجنونة ...عن البويآت
من طرف مشـ خجولهـ ـآعر~ الأحد أغسطس 15, 2010 12:17 am
روووووعهـ ..~
<-- خشيت جو معاها هع
يالييت تكملها :)